बेलायत — क्षेत्री समाज बेलायतले नयाँ नेतृत्व चुनेको छ । शनिबार अल्डरसटमा सम्पन्न नवौं अधिवेशनले टेक जिसीको नेतृत्वमा सर्वसम्मत २१ सदस्यीय नयाँ कार्यसमिति चयन गरेको हो । नयाँ कार्यसमितिमा एक महिलासहित तीनजना उपाध्यक्षमा नरेन्द्र बस्नेत, दिल जिसी र प्रतिमा केसी चुनिएका छन् ।
अधिवेशनबाट महासचिवमा मेजर बुद्धि भण्डारी (एमभीओ), सह-सचिवमा आनन्द थापा, कोषाध्यक्ष संजय ध्वज भण्डारी, सह-कोषाध्यक्ष मेजर चक्र खत्री, जनसम्पर्क सचिव रेशम खड्का, सांस्कृतिक सचिवमा सन्तोषी कार्की, महिला संयोजकमा माया केसी र मिडिया सचिवमा राममाया बिष्ट केसी चुनिएका छन् ।
कार्यसमिति सदस्यहरुमा महेन्द्र कुँवर, श्रीमती अन्जना थापा, राजु बोहोरा, श्रीमती हिमा क्षेत्री, कृष्ण थापा, श्रीमती सम्झना अधिकारी क्षेत्री, सरोज थापा, श्रीमती शिला थापा केसी र श्रीमती विमला थापा छन् ।
नयाँ कार्यसमिति चुन्न सल्लाहकार डा राम अधिकारी, पूर्व अध्यक्ष तथा वर्तमान सल्लाहकार रि क्या धन कुँवर र पूर्व अध्यक्ष तथा सल्लाहकार यज्ञ क्षेत्री रहेको निर्वाचन कमिटी गठन गरिएको थियो ।