ग्रीस — विश्वव्यापी रुपमा आई रहेको आप्रवासनको परिवर्तनसंगै हरेक सम्पन्न देशहरुले दक्ष कमदार मात्रै भित्र्याउने रणनीति अनुरुप गोल्ड कार्डहरु प्रयोगमा ल्याउन थालेका छन । अमेरिकी राष्ट्रपति डोनाल्ड ट्रम्पले मोटो रकम तिरेर गोल्ड कार्ड लिन सकिने व्यवस्था गरेपछि विश्वभरी नै त्यो प्रचलन शुरु भएको छ । जसमा यूरोपेली राष्ट्र ग्रीसले पनि विशेष व्यवस्था गरेर गोल्ड कार्ड दिने व्यवस्था शुरु गरेको हो । सन् २०२६ मा गोल्डेन भिसाको माग बढ्दो क्रममा छ, र ग्रीसले लगानीकर्तालाई नागरिकता प्राप्त गर्न नयाँ विकल्प थपेर आफ्नो कार्यक्रम विस्तार गरेको छ ।
वर्षको सुरुवातमै, उक्त युरोपेली देशले आफ्नो गोल्डेन भिसा कार्यक्रममा अर्को बाटो थप्दै राष्ट्रिय रजिस्ट्रिमा सूचीकृत स्टार्टअपहरूमा करिब २ लाख ५९ हजार डलर लगानी गर्ने विकल्प समावेश गरेको छ । यो नयाँ विकल्पले केवल अचल सम्पत्ति खरिद गर्ने पुरानो मोडेलबाट अलग हुँदै कार्यक्रमलाई सम्पत्ति किन्न मात्र इच्छुक व्यक्तिहरूभन्दा बाहिर विस्तार गरेको हो। त्यस पहिले त्यति रकमको अचल सम्पति खरिद गर्नुपर्ने व्यवस्था थियो ।
विदेशमा बसोबास स्थापना गर्न चाहने अमेरिकीहरूबीच ग्रीस सबैभन्दा लोकप्रिय गन्तव्यहरूमध्ये एक हो । २०२६ मा यसको गति कम हुने संकेत देखिएको छैन । डिसेम्बर २०२५ मा ग्रीक गोल्डेन भिसा प्राप्त गर्ने अमेरिकीहरूको संख्या २०२४ को सोही महिनाको तुलनामा ४९ प्रतिशतले वृद्धि भएको जनाएको थियो । उच्च सम्पत्ति भएका व्यक्तिहरूलाई दोस्रो नागरिकता खरिद गर्न सहयोग गर्ने उदेश्यले यस्तो कार्ड निकै चर्चित रहेको मोर्टगेज ब्रोकरेज फर्मका अनुसार उल्लेख छ ।
“धेरै अमेरिकीहरूका लागि ग्रीसले आकर्षक संयोजन प्रदान गर्छ, विकसित युरोपेली बजारका लागि तुलनात्मक रूपमा कम प्रवेश सीमा, सुधारोन्मुख आर्थिक आधारहरू, र युरोपेली संघभित्र जीवनशैली पहुँच जुन अन्यत्र दिनदिनै दुर्लभ बन्दै गइरहेको उल्लेख छ । ग्रीसले विदेशी लगानीलाई आवास बजारभन्दा बाहिर आफ्नो अर्थतन्त्रतर्फ मोड्न सक्छ ।
यद्यपि गोल्डेन भिसा कार्यक्रम दशकौँदेखि अस्तित्वमा छन्, पछिल्ला वर्षहरूमा उच्च सम्पत्ति भएका व्यक्तिहरूले अन्य देशमा बसोबास “किन्न” प्रयोग गर्ने माध्यमका रूपमा ती अत्यधिक लोकप्रिय बनेका छन् । अक्टोबर २०२५ मा गरिएको १० हजार भन्दा बढी अमेरिकी ग्राहकहरूमध्ये ७६ दशमलव ४ ले मुख्यतः राजनीतिक कारण र बढ्दो स्वास्थ्य सेवा खर्चका कारण “प्लान बी” का रूपमा दोस्रो बसोबास वा नागरिकता खोजिरहेको बताएका थिए । त्यसपछि सम्भावित भविष्य स्थानान्तरण पनि प्रमुख कारणका रूपमा ग्रीसले आफ्नो देशलाई विकल्पका रुपमा उल्लेख गरिएको थियो ।
ग्रीसमा अमेरिकीहरुको आकर्षण बढ्दै गएको बताइएको छ । यस कार्यक्रमले पति र पत्नी, ले २१ वर्ष मुनिका छोराछोरी, र दुवै तिरका अभिभावकलाई पनि कार्डसँगै समावेश गर्न सक्ने सुविधा दिन्छ । यो कार्डले पाँच वर्षका लागि ग्रीसमा बस्ने अनुमति दिन्छ र योग्य भएमा नवीकरण पनि गर्न सकिन्छ । यसले तपाईंले युरोपको शेंगेन क्षेत्र भित्र ९०, १८० दिनसम्म भिसारहित यात्रा गर्न मद्दत गर्छ । यो नागरिकता होइन, तर पूरा नियम पूरा गरेर लगभग ७ वर्षपछि नागरिकता वा पासपोर्टका लागि आवेदन गर्न सकिन्छ ।
