पोर्चुगल — न्यायिक प्रहरी (पीजे) का राष्ट्रिय निर्देशक लुइस नेभेस अब आन्तरिक प्रशासन मन्त्रालयको जिम्मेवारी सम्हाल्ने नयाँ मन्त्री बन्नुभएको छ । शनिबार गणतन्त्रको राष्ट्रपति कार्यालयले आफ्नो वेबसाइटमार्फत यसको औपचारिक घोषणा गरेको हो ।
प्रधानमन्त्रीको प्रस्तावलाई स्वीकार गर्दै राष्ट्रपति मार्सेलो रेबेलो डे सुसाले नेभेसलाई आन्तरिक प्रशासन मन्त्रीमा नियुक्त गर्न स्वीकृति दिनुभएको छ । यो नियुक्तिसँगै उहाँको शपथ ग्रहण कार्यक्रम पनि तय भइसकेको छ ।
राष्ट्रपति कार्यालयका अनुसार, नवनियुक्त मन्त्रीको शपथ ग्रहण समारोह आगामी सोमबार, २३ फेब्रुअरीका दिन बिहान १० बजे बेलेम दरबारमा आयोजना गरिनेछ ।
मन्त्रालयको नेतृत्व परिवर्तन भए पनि अन्य मुख्य पदाधिकारीहरू भने यथावत रहनेछन् । आन्तरिक प्रशासनका नयाँ मन्त्रीसँगै उपसचिव पाउलो रिबेरो, आन्तरिक प्रशासनका लागि राज्य सचिव टेल्मो कोरिया र नागरिक सुरक्षाका लागि राज्य सचिव रुई रोचाले आ–आफ्नो पदमा रहेर निरन्तर काम गरिरहने जानकारी दिइएको छ ।
