काठमाडौँ — नेपाली सङ्गीत आकाशमा नयाँ नयाँ गीतहरू थपिने क्रम जारी रहेकै बेला चर्चित गायिका एलिना चौहान र गायक तथा सर्जक अमित बाबु रोकाएको सुमधुर स्वरमा सजिएको नयाँ गीत ‘ए मेरो मायालु’ बजारमा आएको छ । लामो समयदेखि दर्शक-श्रोताको रोजाइमा रहँदै आएकी गायिका चौहान र पछिल्लो समयका आशालाग्दा गायक रोकाएको युगल स्वरले गीतलाई निकै आकर्षक बनाएको छ ।
प्रस्तुत गीतमा शब्द सङ्कलन हिमाल खड्काले गरेका हुन् भने सङ्गीत स्वयम् अमित बाबु रोकाएले भरेका छन् । माया र प्रेमका मिठा भावहरू समेटिएको यस गीतले नेपाली साङ्गीतिक बजारमा चर्चा कमाउने अपेक्षा गरिएको छ ।
गीतको अडियो जत्तिकै यसको भिडियो पक्षलाई पनि उत्तिकै उत्कृष्ट बनाउने प्रयास गरिएको छ । भिडियोमा कलाकारहरू पार्वती श्रेष्ठ र अमर बुढाथोकीको जीवन्त अभिनय देख्न सकिन्छ । उनीहरूको केमेस्ट्रीले गीतको भावलाई न्याय गरेको छ ।
यसैगरी, भिडियोको प्राविधिक पक्षतर्फ दुर्गा श्रेष्ठले छायाङ्कन गरेका छन् भने अनिल बिष्ट प्युठानीले सम्पादनको जिम्मेवारी निभाएका छन् । जीवन खड्काको कथा तथा निर्देशनमा तयार भएको यस भिडियोले एक सुन्दर प्रेमकथालाई पर्दामा उतारेको छ ।
नयाँ गीत ‘ए मेरो मायालु’ गायक अमित बाबु रोकाएको आधिकारिक युट्युब च्यानलबाट भर्खरै मात्र सार्वजनिक गरिएको हो । सार्वजनिक भएको छोटो समयमै यस गीतलाई लिएर दर्शकहरूले सकारात्मक प्रतिक्रिया दिन थालेका छन् ।
हेर्नुहोस् भिडियो :
