पोर्चुगल । एक पछि अर्को सफल इभेन्ट तथा कार्यक्रम गर्दै आएको आइ पपर्सले फेरि चर्चित गायक स्वप्न सुमनको साथमा पोर्चुगलको राजधानी लिस्बनमा पहिलो पटक लाइभ कन्सर्ट गर्ने भएको छ।
क्रिसमसलाई मध्यनजर गर्दै डिसेम्बर २४ तारिखका दिन राजधानी लिस्बनमा रहेको Lisboa Ao Vivo मा उक्त लाइभ कन्सर्ट हुने भएको हो।
रोजगारीको शिलशिलामा पोर्चुगलमा रहेका नेपालीहरुलाई सांगीतिक मनोरन्जन दिनका साथै सांगीतिक क्षेत्रको विकासका लागि आइ पपर्सले विगतका दिनहरूमा पनि इभेन्ट तथा कार्यक्रमहरूलाई प्राथमिकता दिँदै आइरहेको छ।
देश तथा विदेशमा सांगीतिक प्रस्तुती दिँदै लोकप्रिय कमाएका गायक स्वप्नले पोर्चुगलमा आफ्नो लोकप्रिय भएका गीतहरू गाएर दर्शकलाई भरपुर मनोरञ्जन दिनेछन् ।
‘के साह्रो राम्री भाकी’ गीतबाट चर्चा कमाएका गायक स्वप्नको दर्शकहरू स्वदेश तथा विदेशमा उत्तिकै मात्रामा देखिन्छन्।
चर्चित गायक पहिलोपटक युरोपमा आफ्नो सांगीतिक प्रस्तुति लिएर आउन लागेका हुन् । उनको पोर्चुगल लगायत माल्टा,फ्रान्स,फिनल्याण्ड र डेनमार्कमा कार्यक्रमको मिति तय भइसकेको छ भने अहिलेसम्म तय भएको कार्यक्रम अनुसार माल्टमा डिसेम्बर १४ बाट कार्यक्रम सुरुवात भई डिसेम्बर २७ मा फिनल्याण्डमा आई कार्यक्रम सकिने छ।
पछिल्लो समयमा एकपछि अर्को सफल कार्यक्रमहरु गर्दै आइरहेको आइ पपर्सले क्रिसमसलाई मध्यनजर गर्दै गरिएको यस लाइभ कन्सर्टमा रोजगारीको सिलसिलामा पोर्चुगलमा बसोबास गर्ने नेपालीहरूलाई उक्त कार्यक्रममा आई कार्यक्रमलाई सफल गरिदिनुहुनको लागि समेत आयोजकले आग्रह गरेको छ।
उक्त कार्यक्रमको लागि आयोजकले २० युरो टिकटको समेत व्यवस्था गरेको छ। टिकटको लागि तल दिएको लिङ्कमा क्लिक गरी टिकट लिनको लागि समेत आयोजकले आग्रह गरेको छ।
0
20
