एलिया लिम्बु । साइप्रस
नेपालीहरूको महान चाड बडा दशैं तथा शुभ दीपावलीलाई मध्यनजर गर्दै अन्तर्राष्ट्रिय नेपाली सेफ सोसाइटि साइप्रसद्वारा यही आउँदो अक्टोबर १३ तारिख आइतबार दशैं तिहार विशेष साँस्कृतिक कार्यक्रम हुने भएको छ।
उक्त कार्यक्रमको लागि नेपालबाट चर्चित कलाकारहरू गायक दिपक लिम्बु, रामजी खाँड र निर्जला गुरुङले साइप्रसमा रहेका नेपाली समुदायलाई नचाउने भएका छन्।
युरोपेली मुलुक साइप्रसमा निकै सक्रिय रहेको अन्तर्राष्ट्रिय नेपाली सेफ सोसाइटि साइप्रसले पहिलोपटक नेपालका चर्चित कलाकारहरूको साथमा दशैं तिहार विशेष साँस्कृतिक कार्यक्रम गर्न लागेको हो।
भान्से धमाका नाम दिएको उक्त कार्यक्रम साइप्रसको लिमासोल सहर स्थित रिकिस प्यालेसमा उक्त कार्यक्रम हुने भएको हो।
आयोजक अन्तर्राष्ट्रिय नेपाली सेफ सोसाइटि साइप्रसले साइप्रसमा रहेका सम्पूर्ण संघसंस्था तथा साइप्रसवासी नेपाली समुदायहरूलाई कार्यक्रममा उपस्थितिको लागि निमन्त्रणा समेत गरेको छ।
आयोजकले उक्त कार्यक्रमको लागि पच्चीस (२५) युरो टिकेटको समेत व्यवस्था गरेको छ।
0
20
