पोर्चुगल— नेपाली गीत संगीत स्वदेशमा मात्र नभई विदेशमा पनि उत्तिकै मात्रामा रमाउने,गाउने र नाच्ने पाइन्छ। उसो त नेपाली गीत संगीत भन्ने बित्तिकै हामी नेपालीहरूमा रगत रगतमा बगिरहेको छ भन्दा फरक नपर्ला, चाहे गोठालो जाँदा होस् चाहे काममा जाँदा होस् चाहे बसमा यात्रा गर्दा होस् हामी जतिबेला जहाँ जाँदा पनि हाम्रो मुखमा नेपाली गीत-संगीत झुन्डिरहेको हुन्छ।
लोकदोहोरी गीतमा उत्तिकै क्रेज बढे पनि र्याप गीतमा पनि नेपाली क्रेज भने घटेको छैन। एकपछि अर्को सफल र्याप गीत गाएका राजा सञ्जय र समीरले दशैलाई मध्य नजर गर्दै केही दिन अगाडि मात्रै एउटा र्याप गीत सार्वजनिक गरेका छन्।
निलो निलो नाम दिएको उक्त गीतको अहिले टिकटक देखि सामाजिक सञ्जाल फेसबुकमा पनि चर्चा परिचर्चा भइरहेको छ।
उक्त गीतमा राजा सञ्जय र समीरको शब्द र स्वार रहेको छ भने राज सञ्जय ,समीर ,पूह कर्म ,सहाना थापा ,नेशा,निश्चल गुरुङ ,चन्द्री तामाङले गीतको म्युजिक भिडियोमा अभिनय गरेका छन्।
नवीन सुनावरले सम्पादक , सिनेम्याटोग्राफर र निर्देशन गरेको म्युजिक भिडियो भने ‘राजा म्युजिक अफिसियल‘ युट्युब च्यानलबाट सार्वजनिक भएको छ। सुनावरले यस गीत दोस्रोपटक निर्देशक गरेका हुन्।
0
20
