पोर्चुगल । गैरआवासीय नेपाली संघ अन्तर्राष्ट्रिय समन्वय परिषद (एनआरएनए)को ११औं महाधिवेशन युवा संयोजक पदमा धादिङका रविन अधिकारीले उम्मेदवारी घोषणा गरेका छन् ।
धादिङ जिल्ला स्थायी घर भइ हाल पोर्चुगलमा बस्दै आएका अधिकारीले आइसीसी युवा संयोजकमा उम्मेदवारी घोषणा गरेका हुन् ।
अधिकारीले संयोजकमा उम्मेदवारी घोषणा गरेपछि एनआरएनएका प्रतिनिधिहरूभित्र खैलाबैला भएको छ ।
अधिकारीले ‘सबल एनआरएनए आजको आवश्यकता, युवा र नयाँ पुस्ताको बृहत सहभागिता’लाई नारा बनाएका छन् । अधिकारी १४ वर्षदेखि एनआरएनएमा सक्रिय छन् ।
गैरआवासीय नेपाली संघ राष्ट्रिय समन्वय परिषद बेल्जियमको सदस्य, पोर्चुगलको युवासंयोजक, आइसीसी सदस्यको जिम्मेवारी उनले सम्हालिसकेका छन् ।
गैरआवासीय नेपाली संघ, राष्ट्रिय समन्वय परिषद पोर्चुगलको अध्यक्षको रूपमा पनि जिम्मेवारी निर्वाह गरिसकेका छन् ।
Please follow and like us:
0
20
