पोर्चुगल । गत आइतबार पोर्चुगलको राजधानी लिस्बनमा भएको भिजन स्पोर्टस क्बलद्वारा आयोजित युरोस्तरीय खुला भलिवल प्रतियोगिताको खेलमा गल्कोटले म्याग्दी समाज (मोना) लाई २–१ को सेटमा पराजित गर्दै गल्कोटले उपाधि जितेको छ ।
८ टोली सम्मिलित प्रतियोगितामा ४–४ टोलि सम्मिलित समूहबाट आ-आफ्नो समूहमा विजेता बनेका मोना र गल्कोट फाईनलमा प्रवेश गरेका थिए ।
फाइनल खेलको पहिलो सेट मोनाले आफ्नो पक्षमा पारेको थियो भने बाँकी दुइ सेट गल्कोटले आफ्नो पक्षमा पारेको थियो । उपाधिसंगै गल्कोटले ट्रफी र नगद २ हजार ५ सय युरो हात पार्यो भने, उपविजेता बनेको मोनाले ट्रफी संगै नगद १ हजार २ सय ५० युरो हात पारेको थियो ।
प्रतियोगिताको सर्वोत्कृष्ट खेलाडी राजु विक घोषित भएका थिए भने, उत्कृष्ट स्पाइकरमा सुनित सुन्दास, उत्कृष्ट सर्भरमा सिखर घर्तीमगर, उत्कृष्ट ब्लकरमा किसन श्रेष्ठ, उत्कृष्ट्र लिफ्टर बादल हमाल र उत्कृष्ट डिफेन्सर देव छन्त्याल घोषित भएका थिए । प्रत्येक विधामा उत्कृष्ट घोषित भएकाहरुले ट्रफी हात पारेका थिए ।