साइप्रस — युरोपेली मुलुक साइप्रस स्थित लिमासोलमा रहेको नेपाली रेस्टुरेन्ट गोर्खा किचनद्वारा नेपाली नारीहरुको महान पर्व तीजको अवसरमा ‘हरितालिका तीज तथा दर खाने कार्यक्रम’ हुने भएको छ ।
कार्यक्रम आउँदो अगस्ट २४ तारिख आइतबार लिमासोलको ‘नियो फिस्टा हल’मा हुने भएको हो ।
नेपाली नारीहरुको महान पर्व तीजको अवसरमा आयोजना हुने उक्त कार्यक्रममा साइप्रसमा रहेका स्थानीय कलाकारहरू र ‘गोर्खा ब्याण्ड’ ले समेत सांगीतिक प्रस्तुति दिने आयोजक गोर्खा किचनले बताएको छ ।
कार्यक्रमको बारे अझै विस्तृत जानकारी आयोजकले केही दिनपछि अर्को पोस्टरमा बताउने भएको छ ।
