पोल्याण्ड — हालै ‘द सन्डे टाइम्स’ र ‘टिभीपी वर्ल्ड’मा प्रकाशित रिपोर्ट अनुसार पोल्याण्डले विगत केही दशकमा उल्लेखनीय आर्थिक प्रगति गरेको छ । १९९० दशकमा बेलायतको तुलनामा निकै कमजोर अर्थतन्त्र रहेको पोल्याण्ड अहिले तीव्र गतिमा अगाडि बढ्दै, आर्थिक रुपमा बेलायतसँगको दूरी छोट्याउँदै गएको छ ।
१९९५ मा पोल्याण्डको प्रति व्यक्ति जीडीपी बेलायतको केवल करिब ३६ प्रतिशत थियो तर, निरन्तर सुधार र विकासको परिणामस्वरूप अहिले यो अनुपात बढेर ८१ प्रतिशत पुगेको छ ।
यसले पोल्याण्ड युरोपका ती देशहरूमध्ये पर्छ जुनले पछिल्ला वर्षहरूमा सबैभन्दा छिटो आर्थिक प्रगति गरेका छन् । यस उपलब्धिको मुख्य कारणहरूमा साम्यवादी प्रणाली अन्त्यपछि गरिएको आर्थिक उदारीकरण, विदेशी लगानी आकर्षण, सरकारी स्वामित्वका उद्योगहरूको निजीकरण, यूरोपियन युनियनमा प्रवेशपछि प्राप्त आर्थिक सहायता, र प्रविधि तथा उद्योग क्षेत्रमा भएको तीव्र विकास सामेल छन्। साथै, युवा श्रमिकहरूलाई कर छुटजस्ता नीतिले पनि आर्थिक वृद्धिमा सहयोग पुर्याएको बताइन्छ ।
पोल्याण्डका केही क्षेत्रहरू बेलायतका केही कम विकसित सहरहरूजस्तै आर्थिक स्तरमा पुगिसकेका छन् । यसले देखाउँछ कि पोल्याण्ड अब केवल ‘पूर्वी यूरोपको श्रमिक आपूर्तिकर्ता देश’ होइन, बरु प्रतिस्पर्धी अर्थतन्त्रको रूपमा उदाउँदैछ ।
