लिस्वन । क्रिसमशको अवसरमा लिस्वनमा सेभेन ए साइड फुटबल प्रतियोगिता हुने भएको छ । मनमैजु फुटबल क्लब र मेची महाकाली फुटबल क्लबको संयुक्त आयोजनामा हुने उक्त प्रतियोगितालाई प्रथम चिचिपापा क्रिसमश कप नाम दिइएको छ ।
आगामी डिसेम्बर २६ का दिन लिस्वनको ओलाइस स्थित क्लब भिक्टोरियामा हुने उक्त प्रतियोगितामा १२ टिमको सहभागीता टुङ्गो लागेको आयोजक मनमैजु फुटबल क्लबका संयोजक कमल खड्काले जानकारी दिए ।
उनका अनुसार १२ टिमलाई चार समुहमा विभाजन गरिने छ र प्रत्येक समुहबाट उत्कृष्ट दुइ टिम क्वाटरफाइनलमा प्रवेश गर्नेछ । लिग चरण र क्वाटरफाईनलका प्रत्येक खेल १५-१५ मिनेटको हुनेछ भने सेमिफाईनल र फाइनल २०-२० मिनेटको हुनेछ ।
प्रतियोगिताको विजेताले २ हजार ५ सय युरो र उपविजेताले १ हजार २ सय पचास युरो पाउनेछ भने, उत्कृष्ट गोलकिपर, उत्कृष्ट खेलाडी, उच्च गोलकर्ता र फेयर प्ले विधामा पनि पुरस्कार प्रदान गरिने खड्काले जानकारी दिए ।
गोलनेपाल डककमबाट प्रत्यक्ष प्रसारण हुने र यसैगरी आयोजकले दिएको जानकारी अनुसार प्रतियोगिताको प्रत्यक्ष प्रसारण नेपालको लोकप्रिय फुटबल पोर्टल गोलनेपाल डट कमबाट प्रत्यक्ष प्रसारण हुने भएको छ ।
पहिलो पटक नेपाल बाहिर नेपाली समूदायले आयोजनका गरेको कुनै पनि प्रतियोगिता नेपालको एक लोकप्रिय फुटबल पोर्टलबाट प्रत्यक्ष प्रसारण हुन लागेको हो । यसले प्रतियोगिताको लोकप्रियता र प्रतियोगिताको विश्वव्यापीकरणमा ठूलो सहयोग पुग्ने आशा गरिएको आयोजक खड्काले जानकारी दिए ।
0
20
