पोर्चुगल — फारोको जीएनआर क्षेत्रीय कमाण्डले सार्वजनिक गरेको जानकारी अनुसार, ती व्यक्तिलाई सडक ट्राफिक निरीक्षणका क्रममा रोकिएको थियो । अधिकारीहरूले चालक अनुमतिपत्र माग गर्दा उनले एक विदेशी लाइसेन्स प्रस्तुत गरेका थिए । तर, उक्त कागजातको बनावट र विवरणमा शंका लागेपछि प्रहरीले गहिरो अनुसन्धान सुरु गरेको थियो ।
प्रहरी अनुसन्धानका क्रममा उक्त अनुमतिपत्र पूर्ण रूपमा नक्कली भएको मात्र खुलेन, ती व्यक्ति विरुद्ध अन्तर्राष्ट्रिय स्तरमै गिरफ्तारी वारेन्ट जारी भएको तथ्य समेत बाहिर आयो । डकैती जस्तो गम्भीर अपराधमा संलग्न भई जेल सजाय भोग्न बाँकी रहेका ती व्यक्तिलाई खोज्न इन्टरपोलले सन् २०२४ को जुन महिनामा वारेन्ट जारी गरेको पुष्टि भएको छ ।
पक्राउ परेका ती पुरुषलाई कानुनी प्रक्रियाका लागि एभोरा न्यायिक अदालतमा पेश गरिएको थियो । अदालतको आदेश लगत्तै उनलाई बेजा जेलमा स्थानान्तरण गरिएको छ, जहाँ उनले आफ्नो सजाय भुक्तान गर्नेछन् । सामान्य ट्राफिक जाँचबाट सुरु भएको यो घटनाले अन्ततः एक फरार अपराधीलाई कानुनी कठघरामा पुर्याउन सफल भएको छ ।
