नेपाली भाषा,नेपाली सँस्कृती र नेपाली चलचित्रलाई माया र प्रबर्द्धन गरौ’ भन्ने उदेश्यका साथ स्थापना भएको आइ पपर्सले लिस्वनमा पुन एकपटक सांगितिक कन्र्सट आयोजना गर्ने भएको छ ।
नेपाली रकव्याण्ड १९७४ एडि ब्याण्डका मुख्य गायक एड्रिन प्रधानको साथमा आइ पपर्सले उक्त साँगितिक कन्सर्ट गर्ने भएको छ ।
आगामी अक्टोबर ३० को दिन लिस्वनमा गर्न लागिएको कार्यक्रमा गायक प्रधानका साथै यहाँ स्थित कलाकारहरुको पनि आफ्नो प्रस्तुती दिने छन् ।
पोर्तुगलमा विभिन्न समयमा नेपाली कलाकारहरुको साथमा सांगितिक कन्र्सटको आयोजना गर्दै आएको आइ पर्पसले यस पालि अलि फरक टाईपको गर्ने बताएका छन् ।
आयोजक आई पपर्सका अनुसार “हामीले यस भन्दा अघि पनि विभिन्न समयमा नेपालका ख्याती प्राप्त गायकहरुको साथमा सफल रुपमा साँगितिक कार्यक्रमहरु आयोजना गरिसेका छौँ, आशा छ यो कार्यक्रम पनि भव्य र सभ्यरुपमा सफल हुनेछ” ।
सम्बोधन, सक्दिन, पिँजडाको सुगा, चौबन्दी चोली, गुँरासै फुल्यो बनैमा, सम्झि बस्छु, परेलीमा लगाएत दर्जनौँ हिट गितका गायक हुन प्रधान ।
टिकटमा विशेष अफर :
कार्यक्रमका लागि पछाडी, अगाडी र बाल्कोनी गरी तीन श्रेणीमा टिकटको दर तोकिएको छ, जस्मा बाल्कोनीका लागि ३० युरो, अगाडी लाइनको लागि २५ युरो र पछाडीको लाइनका लागि २० युरो तोकिएको आयोजकले जनाएको छ ।
तर, १५ अक्टाबर भन्दा अघि अनलाईन मार्फत टिकट काट्नेहरुको लागि विशेष अफर स्वरुप अगाडी लाइनको टिकट २० युरोमा नै उपलब्ध गराउने बताइएको छ ।
त्यसैले बेलैमा अनलाईन मार्फत विशेष छुट सहित आफ्नो टिकट सुरक्षित राख्न सबैमा जानकारी समेत गराइएको छ । यो अफर १५ अक्टोबर सम्मको लागि मात्र उपलब्ध हुनेछ ।
0
20
