माल्टा — जितु नेपाल स्टारर फिल्म ज्वाइँ साब युरोपेली मुलुक माल्टामा प्रदर्शन हुने भएको छ। नेपालमा दशैंमा रिलिज भएको यो चलचित्र २१ डिसेम्बरमा माल्टाको ग्यालेरिया सिनेमा हलमा रिलिज हुने भएको हो ।
उक्त चलचित्र हेर्नको लागि टिकटको आवश्यकता पर्ने भएकोले टिकटको लागि तल दिएको लिङ्कमा हेर्नुहोला । टिकटको लागि प्रति व्यक्ति ९.९९ युरो रहेको छ भने तीनजनाको ग्रुपमा आउनेले डिस्काउन्ट समेत पाउने भएको मग्वार्ट प्रडक्सनका संयोजक गणेश लामिछानेले बताए।
नेपाली भाषा,नेपाली सँस्कृती र नेपाली चलचित्रलाई माया र प्रबर्द्धन गरौ’ भन्ने उदेश्यका साथ स्थापना भएको मग्वार्ट प्रडक्सनले माल्टामा विभिन्न नेपाली चलचित्र प्रदर्शनि र कार्यक्रमहरु गर्दै आएको छ ।
उक्त चलचित्र माल्टामा मग्वार्ट प्रडक्सनद्वारा प्रदर्शन गर्न लागेको संयोजक गणेश लामिछानेले युरोपाटी डट.कमलाई बताए।बसन्त निरौला निर्देशित चलचित्रले नेपालमा औसत व्यापार गरेको थियो ।
माल्टामा बस्ने दर्शकहरूको मागको कारणले गर्दा उक्त चलचित्र माल्टामा प्रदर्शन गर्न लागेको लामिछानेले बताए।
ज्वाइँ साबमा जितुका साथै नीति शाह, बुद्धि तामाङ, हिमेश पन्त लगायतका कलाकारको अभिनय रहेको छ ।
0
20
