पोर्चुगल — नेपाली गीत संगीत क्षेत्रमा स्वदेशमा भन्दा पनि विदेशमा थुप्रै रुचाइरहेको पाइन्छ। नेपालमा मेला महोत्सवमा व्यस्त रहेका गायक गायिकाहरू अहिले विदेशमा पनि थुप्रै सांगीतिक कार्यक्रमहरु गर्दै आइरहेका छन्।
रोजगार तथा अध्ययनका लागि विदेश आएका नेपालीहरू अहिले सांगीतिक क्षेत्रमा पनि निकै उत्साहित देखिन्छन्।
युरोपेली मुलुक बेल्जियम र बेलायतपछिको धेरै नेपालीहरु बसोबास गर्ने देश हो पोर्चुगल ।
करिब करिब ४० देखि ५० हजार नेपाली बसोबास गर्ने पोर्चुगलमा अहिले थुप्रै सांगीतिक कार्यक्रम लगायत विभिन्न सांस्कृतिक कार्यक्रमहरू हुँदै आइरहेको छ।
पोर्चुगलमा बस्दै आएका गायक रोशन लामाले ‘हामी नेपाली’ नाम दिएको गीतको भिडियो सार्वजनिक गरेका छन्।
पछिल्लो समय गायन क्षेत्रमा निकै नै रुचि राख्ने गायक हुन् रोशन लामा, उनले यसभन्दा अघि पनि थुप्रै गीतहरु गाइसकेका छन्।
उनले अहिले फरक किसिमका गीत बजारमा ल्याएका छन्। गायक लामाले यसपालि नेताहरूलाई गाली गरेका छन्। उनले गीतको सुरुमै भनेका छन्।
कति सुन्नु भाषण, यो नेताको
तेरो झोले पारा अब नदेखा भो,
जति ठूलो कुरा गरेपनि के गर्छस् ,
आखिर सकाउने नै हो ढुकुटी नेपालको
उनको यो गीतमा उनी आफैंले स्वर,शब्द र संगीत दिएका छन्। उक्त सार्वजनिक म्युजिक भिडियोको निर्देशक भने प्रसन्न लामा र सहायक निर्देशक कृष्ण पुनले गरेका छन्।
त्यस्तै म्युजिक भिडियोको छायांकन शेशाहाङ शर्मा र सहायक छायांकन योगेश योञ्जन तामाङले गरेका हुन्। त्यस्तै उक्त भिडियोलाई सम्पादन भने पीबीजी गुरुङले गरेका छन्।
यस्तै उक्त भिडियोमा सुमन तामाङ, क्लासिका श्रेष्ठ, रश्मी गुरुङ, प्रवेश गुरुङ, सन्देश गुरुङ र रमन हमालले अभिनय गरेका छन्।
उक्त म्युजिक भिडियो गायक स्वयम् रोशन लामाको अफिसियल युट्युब च्यानलबाट सार्वजनिक भएको छ।गायक लामाले पोर्चुगलमा विभिन्न सांगीतिक कार्यक्रमहरू पनि गर्दै आइरहेका छन्।
भिडियो :
0
20
