आज जनवरी ३, २०२५ शुक्रबार । आज दिनभर युरोप लगायत विश्वमा भएका मुख्यमुख्य घटनाक्रम सहित युरोपाटीको रात्रिकालीन प्रस्तुती ‘युरोपाटीको युरोप ब्रिफिङ’ लिएर उपस्थित भएका छौँ –
पोर्चुगलमा मनाइयो अंग्रेजी नयाँ वर्ष —
अंग्रेजी नयाँ वर्ष २०२५ को स्वागतको लागि अध्ययन र रोजगारीको सिलसिलामा युरोपली मुलुक पोर्चुगल आइपुगेका आप्रवासी लगायत पर्यटक तथा पोर्चुगलका नागरिकहरू राजधानी लिस्बनमा अंग्रेजी नयाँ वर्ष मनाएका छन्।
मेरो भ्वाइस युनिभर्स र मेरो डान्स युनिभर्सको अडिसन लिस्वनमा हुँदै —
अन्तर्राष्ट्रिय दुईवटा रियालिटी शोहरु मेरो भ्वाइस युनिभर्स र मेरो डान्स युनिभर्सको अडिसन युरोपेली मुलुक पोर्चुगलको राजधानीलिस्वनमा हुँदै —
युरोपेली मुलुक पोर्चुगलमा भने फेब्रुअरी १५ र १६ तारिख रियालिटी शोहरु मेरो भ्वाइस युनिभर्स र मेरो डान्स युनिभर्सको अडिसन हुने भएको हो। पोर्चुगलमा उक्त कार्यक्रमको लागि संयोजक देवी गर्बुजा मगरलले गरेका हुन् भने उनी पहिलो सिजन मेरो डान्स युनिभर्सको प्रतिस्पर्धी समेत हुन्।
हामी नेपाली म्युजिक भिडियो सार्वजनिक —
पोर्चुगलमा बस्दै आएका गायक रोशन लामाले ‘हामी नेपाली’ नाम दिएको गीतको भिडियो सार्वजनिक गरेका छन्। पछिल्लो समय गायन क्षेत्रमा निकै नै रुचि राख्ने गायक हुन् रोशन लामा, उनले यसभन्दा अघि पनि थुप्रै गीतहरु गाइसकेका छन्।
उनको यो गीतमा उनी आफैंले स्वर,शब्द र संगीत दिएका छन्। उक्त सार्वजनिक म्युजिक भिडियोको निर्देशक भने प्रसन्न लामा र सहायक निर्देशक कृष्ण पुनले गरेका छन्।
चितवन सेवा समाज साइप्रसको पाँचौं अधिवेशन सम्पन्न —
चितवन सेवा समाज साइप्रसको पाँचौं अधिवेशन तथा ९ औ बार्षिक साधारणसभा बुधबार अनलाइन माध्यमबाट सम्पन्न भएको छ। स्थापनाकाल देखि नै युरोपेली मुलुक साइप्रसमा एक सक्रिय संस्था चितवन सेवा समाज साइप्रसले पाँचौं अधिवेशनबाट लक्ष्मी रेग्मीको अध्यक्षमा तीन उपाध्यक्ष, एक महासचिव, एक सचिव,एक सहसचिव, एक कोषाध्यक्ष र एक सह-कोषाध्यक्ष गरी ९ कार्यसमिति सदस्य निर्माण गरेको छ।
नवनियुक्त राजदूत प्रकाशमणि पौडेलले लिए शपथ —
पोर्चुगलका नवनियुक्त राजदूत प्रकाशमणि पौडेलले लिए राष्ट्रपति रामचन्द्र पौडेलको हातबाट पद तथा गोपनीयताको शपथ लिएका छन्। राष्ट्रपति रामचन्द्र पौडेलले पोर्चुगल लगायत विभिन्न मुलुकका लागि नवनियुक्त राजदूतहरूले पद तथा गोपनीयताको शपथ गराएका हुन् ।
0
20
