पोर्चुगल — पोर्चुगलका लागि नेपालका राजदूत महामहिम प्रकाशमणि पौडेलले पोर्चुगलको लिस्बनस्थित राष्ट्रपतिको आधिकारिक निवास बेलेम प्यालेसमा सोमबार दिउँसो आयोजित एक औपचारिक समारोहमा पोर्चुगलका राष्ट्रपति मार्सेलो नुनो डुवार्टे रेबेलो डे सुसा समक्ष आफ्नो ओहोदाको प्रमाणपत्र बुझाउनुभएको छ।
कार्यक्रमपछि राजदूत पौडेलले राष्ट्रपति महामहिम मार्सेलो रेबेलो डे सुसासँग भेटवार्ता गरेका थिए । कार्यक्रममा राष्ट्रपति सुसाले पोर्चुगलका लागि नेपालको पहिलो राजदूतमा नियुक्त हुनु भएकोमा राजदूत पौडेललाई बधाई दिँदै नेपाल र पोर्चुगलबीचको विद्यमान द्विपक्षीय सम्बन्धलाई अझ सुमधुर बनाउन सफलताको कामना गर्नुभएको थियो ।
राजदूत पौडेलले राष्ट्रपतिलाई नेपालका राष्ट्रपति माननीय रामचन्द्र पौडेलको शुभकामना र शुभकामना व्यक्त गर्दै महामहिम राष्ट्रपतिबाट नेपाल सरकार र पोर्चुगलका जनताप्रति नेपाल सरकार र जनताको सद्भावनाको शुभकामना व्यक्त गर्नुभएको थियो ।
नेपाल र पोर्चुगलबीचको द्विपक्षीय सम्बन्धको अवस्थाप्रति खुशी व्यक्त गर्दै राजदूत पौडेलले आगामी दिनमा नेपाल र पोर्चुगलबीचको जन–जन सम्पर्क लगायत समग्र सहकार्यलाई थप मजबुत बनाउनुपर्नेमा जोड दिए ।
महामहिम सुसाले पोर्चुगलमा रहेका नेपाली डायस्पोराको मेहनती र मिलनसार स्वभावको प्रशंसा गर्दै भाषिक अवरोधलाई पार गरेपछि पोर्चुगल समाजमा सजिलै आत्मसात हुने आशा व्यक्त गर्नुभयो।
समारोहमा परराष्ट्र सचिव महामहिम नुनो साम्पायो, महासचिव महामहिम फ्रान्सिस्को रिबेरो टेल्स, राजदूतकी धर्मपत्नी श्रीमती रुपा पौडेल र दूतावासका द्वितीय सचिव रामबाबु नेपाल लगायत परराष्ट्र मन्त्रालयका उच्चस्तरीय अधिकारीहरुको उपस्थिति रहेको थियो ।
राष्ट्रपतिलाई ओहोदाको प्रमाणपत्र पेस गरेपछि लिस्वन स्थित नेपाली राजदुतावासको केही प्रक्रियाहरू बाँकी रहेकाले, बाँकी रहेका प्रक्रियाहरू पुरा भएपछि छिटै कार्य सञ्चालन गर्ने भएको छ। यद्यपि दूतावासले सेवा कहिलेदेखि सुरु गर्छ भन्ने अहिलेसम्म यकिन भइसकेको छैन।
0
20
