फ्रान्स — सन् २०२६ को पहिलो महिना जनवरीमा नेपालको पर्यटन क्षेत्रमा युरोपेली पर्यटकहरूको चहलपहल बाक्लिएको छ । विभिन्न युरोपेली मुलुकहरूबाट नेपाल भित्रिने पर्यटकहरूको तथ्याङ्कले पश्चिमा मुलुकहरूमा नेपाल भ्रमणप्रतिको आकर्षण बढ्दै गएको देखाएको छ । यसै सन्दर्भमा युरोपेली मुलुक स्पेनबाट पनि जनवरी महिनामा उत्साहजनक सङ्ख्यामा पर्यटकहरू नेपाल भित्रिएका छन् ।
प्राप्त तथ्याङ्क अनुसार सन् २०२६ को जनवरीमा स्पेनबाट ४९२ जना पर्यटकले नेपाल भ्रमण गरेका छन् । स्पेनसँगै छिमेकी मुलुक फ्रान्सबाट पनि उच्च सङ्ख्यामा अर्थात् ९२४ जना पर्यटक नेपाल आएका छन्, जुन युरोपेली मुलुकहरूमध्येकै उच्च सङ्ख्या हो । युरोपका अन्य प्रमुख देशहरूबाट समेत पर्यटक आगमनको क्रम निरन्तर चलिरहेको छ । बेल्जियमबाट ३६७ जना र डेनमार्कबाट २६५ जना पर्यटकले जनवरी महिनामा नेपालको भ्रमण गरेका छन् ।
त्यस्तै, अस्ट्रियाबाट २३० जना र फिनल्याण्डबाट १५५ जना पर्यटक नेपाल आउँदा चेक रिपब्लिकबाट पनि ९७ जना पर्यटक भित्रिएका छन् । यसैबिच अर्को युरोपेली मुलुक पोर्चुगलबाट हुने पर्यटक आगमनमा पनि गत वर्षको तुलनामा सुधार देखिएको छ । गत वर्षको जनवरीमा ३९५ जना मात्र पोर्चुगलली पर्यटक आएकोमा यस वर्ष सोही अवधिमा यो सङ्ख्या बढेर ५२७ पुगेको छ ।
सन् २०२६ को सुरुआती महिनाले युरोपेली बजारबाट नेपालमा गुणस्तरीय पर्यटक भित्र्याउन सकिने बलियो आधार खडा गरेको देखिन्छ ।
