पोर्चुगल — नेपालमा पौष २६ गते बाट प्रदर्शन भएको चलचित्र कार्साङ पोर्चुगलको राजधानी लिस्बनमा पनि आइतवार देखि प्रदर्शन भएको छ।
नेपाली चलचित्र क्षेत्रमा एकपछि अर्को सफलता मिलिरहेको अभिनेता दयाहाङ राईको मुख्य भूमिका रहेको यस चलचित्रमा निर्देशक यम शेर्पाले गरेका छन्।
यस चलचित्रमा अभिनेता दयाहाङ राई लगायत जितु नेपाल, सिर्जना निङलेखु, दीया मास्के, बुद्धि तामाङ, सृष्टि गौतम, सुरवीर पण्डितको अभिनय रहेको छ।
विगत लामो समयदेखि नेपाली चलचित्र क्षेत्रलाई माया गर्दै आइरहेको नेल्स इन्टरटेन्मेन्टले पोर्चुगलमा थुप्रै चलचित्रहरु प्रदर्शन गरिसकेको छ।
पोर्चुगलमा नेप्स इन्टरटेनमेन्टले ल्याएको चलचित्र प्रदर्शनमा दुई शो आइतबार र सोमबारमा नेपालीहरुको बाक्लो उपस्थिति रहेको थियो ।
आइतवार जनवरी १२ देखि प्रदर्शनमा आएको चलचित्र अझै दुई शो १४ र १५ तारिख पनि प्रदर्शन हुने छ। चलचित्र रातिको ९ बजेर १५ मिनेटको समयमा प्रदर्शन हुने भएको हो भने उक्त चलचित्रको टिकेट १२.५० युरो रहेको छ। सो टिकट भने १२ वर्षभन्दा कम उमेरको व्यक्तिलाई १० युरो राखेको छ।
राजधानी लिस्बनस्थित सिनेमा आइडल (Rua do Loreto 15, 1200-241 Lisboa) मा उक्त चलचित्र प्रदर्शन भइ रहेको छ।
0
20
