नवनियुक्त प्रधानमन्त्री सुशीला कार्कीले शपथ ग्रहण गरेकी छन् । कार्कीलाई राष्ट्रपति रामचन्द्र पौडेलले कार्कीलाई शुक्रबार राती ९ः४५ बजे पद तथा गोपनीयताको शपथ खुवाएका हुन् ।
राष्ट्रपति पौडेलले कार्कीलाई संविधानको धारा ६१ अनुसार प्रधानमन्त्री पदमा पदमा नियुक्त गरेका हुन् । यससँगै, उनी नेपालको पहिलो महिला प्रधानमन्त्री समेत बनेकी छन् ।
शपथग्रहण समारोहमा उपराष्ट्रपति रामसहायप्रसाद यादव, प्रधानन्यायाधीश प्रकाशमान सिंह राउत, पूर्वप्रधानमन्त्री बाबुराम भट्टराई लगायत उपस्थित थिए ।
जेनजीको प्रदर्शन उग्र बनेपछि केपी शर्मा ओलीले प्रधानमन्त्री मंगलबार पदबाट राजीनामा दिएपछि कार्की अन्तरिम सरकारको प्रमुख भएकी हुन् ।
पौडेलले संविधानको धारा–६१ अनुसार, पूर्वप्रधानन्यायाधीश सुशीला कार्कीलाई प्रधानमन्त्रीमा नियुक्त गरेका छन् । संविधानको धारा ६१ (४) मा संविधानको पालना र संरक्षण गर्नु राष्ट्रपतिको प्रमुख कर्तव्य हुनेछ भनेर लेखिएको छ ।
राष्ट्रपति पौडेलले कार्कीलाई आजै (शुक्रबार) अन्तरिम सरकारको प्रधानमन्त्री नियुक्त गरेका हुन् । उनलाई ६ महिनाभित्र प्रतिनिधि सभाको निर्वाचन सम्पन्न गर्ने गरी प्रधानमन्त्री नियुक्त गरेका हुन् ।
त्यस्तै, आज प्रधानमन्त्रीसहित केही मन्त्रीको शपथ गर्ने तयारी थियो । तर, अन्तिम समयमा स्थगित गरियो । सबै मन्त्रालयको जिम्मेवारी प्रधानमन्त्रीसँगै राखिएको छ ।
