पोर्तुगल । नेपालमा आज देखि प्रदर्शन भएको चलचित्र महाजात्रा अब पोर्चुगलको राजधानी लिस्बनमा पनि आइतबार देखि प्रदर्शन हुने भएको छ।
पोर्चुगलको राजधानी लिस्बनमा मार्च २४ आइतबार ,२५ सोमबार र २७ बुधबार प्रदर्शन हुने भएको हो । चलचित्र महाजात्रा मार्च २४ आइतबार बिहान र बेलुकीको सो रहेको छ भने २५ र २७ तारिख बेलुकीको सो रहेको छ।
पोर्चुगल लगायत अरु युरोपेली देशहरूमा पनि चलचित्र महाजात्रा प्रदर्शन हुने भएको छ। डेनमार्क, आयरल्याण्ड, क्रोएशिया, साइप्रस, स्वीडेन, चेक गणतन्त्र, फ्रान्स, पोर्चुगल, स्पेन, बेल्जियम, पोल्याण्ड, फिनल्याण्ड, नेदरल्याण्ड, माल्टा, नर्वे, लक्जम्बर्ग, जर्मनी, रोमानिया र अस्ट्रियामा पनि चलचित्र महाजात्रा प्रदर्शन हुने भएको हो ।
चलचित्र महाजात्राको टिकट शुल्क १२.५० युरो रहेको छ। चलचित्र प्रदर्शन बिहानको सो ११:१५ देखि रहेको छ भने बेलुकीको सो ९:१५ बजे देखि रहेको छ ।
पोर्तुगलमा नेप्स इन्टरटेनमेन्टले चलचित्र प्रदर्शनमा ल्याउने भएको हो । नेपाली भाषा,नेपाली सँस्कृती र नेपाली चलचित्रलाई माया र प्रबर्द्धन गरौ’ भन्ने उदेश्यका साथ स्थापना भएको नेप्स इन्टरटेन्मेन्टले पोर्चुगलमा विभिन्न नेपाली चलचित्र प्रदर्शनि र सांगीतिक कार्यक्रम गर्दै आएको छ ।
टिकटको लागि नेप्स इन्टरटेन्मेन्टको https://www.nepsentertainment.com वेबसाइटमा गएर पनि तपाईँले टिकट लिन सक्नु हुनेछ वा तल दिएको सम्पर्क नम्बर +351-920283319 मा पनि सम्पर्क गरी टिकट लिन सक्नुहुनेछ।
चलचित्रमा हरिवंश आचार्य, विपिन कार्की, रविन्द्रसिंह बानियाँ, रविन्द्र झा, वर्षा राउत, अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको अभिनय रहने छ ।
मह सञ्चारमा झन्डै डेढ दशक काम गरेपछि फिल्म ‘जात्रा’ मार्फत निर्देशनमा डेब्यु गरेका भट्टराईले ‘शत्रु गते’,‘जात्रै जात्रा’ र ‘महापुरुष’ निर्देशन गरेर आफूलाई बक्सअफिसमा अब्बल सावित गरिसकेका छन् । समीक्षकले पनि उनको ‘जात्रा’ शृङ्खलालाई रुचाए ।
नेपालमा बन्ने गरेको सिक्वेलमा संवत ‘जात्रै जात्रा’ जत्तिको प्रसंशा कमै फिल्मले पाएका छन् । यसले अन्तर्राष्ट्रियबजार विस्तारसँगै बलियो बनाउन महत्वपूर्ण भूमिका निर्वाह गर्यो ।
चलचित्रमा म्याक्स दीपेश खत्री र यज्ञश्वर पौडेल निर्माता छन् । यस चलचित्रमामा जित बहादुर रुवाली एसोसियट निर्देशक, पुरुषोत्तम प्रधान छायाँकार, कुमार महर्जन द्वन्द्व निर्देशन, कविराज गहतराज नृत्य निर्देशक, आशिष अविरल सङगीतकार, शमशेर लामा शृङगार, रूपकप्रताप अधिकारी प्रोडक्सन डिजाइनर रहेका छन् ।
