पोर्चुगल । नेपाली जनप्रगतिशील मञ्च पोर्चुगलको आयोजनामा सम्मान तथा सास्कृतिक कार्यक्रम हिजो आइतबार सम्पन्न भएको छ । कार्यक्रम पोर्चुगलको राजधानी लिस्बनको ओला अमिगोको हलमा भएको थियो ।
नेपाल देखि युरोप कार्यक्रममा निस्किनु भएका चर्चित लोकदोहोरी गायक तथा सर्जक विष्णु खत्रीको साथमा र सँगै चर्चित लोकदोहोरी गायिका रितु अधिकारीको समेत कार्यक्रममा बेजोड प्रस्तुति भएको थियो भने दुवै कलाकारलाई सम्मान समेत गरेका थिए ।
प्रवेश शुल्क निःशुल्क राखिएको कार्यक्रममा खाजाको समेत व्यवस्था रहेको थियो। गायक खत्रीले जनप्रगतिशील मञ्च पोर्चुगलले आफूलाई सम्मान गरेको भन्दै धन्यवाद समेत प्रकट गरेका छन्।
गायक खत्रीले हिजो मात्रै दुईटा कार्यक्रम सम्पन्न गरेका छन्। कार्यक्रममा उपस्थित हुने सबैजना नेपालीहरू पनि उत्साहित र हर्षित थिए।
