पोर्चुगल । सन् २०३४ विश्वकप फूटबलको आयोजना गर्ने अधिकार खाडी राष्ट्र साउदी अरेबियाले पाएको छ ।
अन्तर्राष्ट्रिय फूटबल महासंघ (फिफा)ले बुधबार राति साउदी अरेबिया आयोजक भएको आधिकारिक घोषणा गरेको हो ।
यसअघि अन्तिम प्रतिस्पर्धामा अष्ट्रेलियाले नाम झिकेपछि साउदी अरेबिया एक्लो दाबेदार भएको थियो। अहिले उसलाई आधिकारिक रुपमै आयोजक घोषणा गरिएको हो ।
साथै सन् २०३० को फिफा विश्वकपको आयोजक राष्ट्रको नाम पनि घोषणा गरिएको छ । स्पेन, पोर्चुगल र मोरक्कोलाई सन् २०३० को विश्वकपको संयुक्त आयोजनाको अधिकार दिइएको छ ।
विश्वकप फुटबलको १०० वर्ष पूरा भएको स्मरणमा सन् २०३० को विश्वकपका तीन खेल अर्जेन्टिना, पाराग्वे र उरुग्वेमा पनि खेलाइने भएको छ ।
सन् २०२२ मा अर्को खाडी राष्ट्र कतारमा फिफा विश्वकप आयोजना भएको थियो ।यस विश्वकपको फाइनल खेलमा फ्रान्सलाई हराउँदै अर्जेन्टिनाले उपाधि जितेको थियो ।
यस विश्वकपको समूह चरणको खेलमा साउदी अरेबियाले अर्जेन्टिनालाई हराएर सनसनी मच्चाएको थियो ।
0
20
