चलचित्र उनको स्विटर युरोपमा बिक्री भएको छ। नयाँ वर्ष २०८२ को उपलक्ष्यमा यूरोपमा प्रदर्शन हुने गरी चलचित्र उनको स्वीटर युरोपमा बिक्री भएको हो। नेपालमा नयाँ वर्ष २०८२ को वैशाख २६ गते प्रदर्शन हुने चलचित्र उनको स्वीटर नेपाल र युरोपमा एकै साथ प्रदर्शन हुनेगरी बिक्री भएको हो।
मामा ईभेन्ट्स र गुरुङ् के.एन.एस ईन्टरटेन्मेन्टले यस चलचित्रको आधिकारिक यूरोप वितरक रहेका छन् भने केन्द्र मोशन पिक्चर्सले प्रमुख प्रायोजक रहेको छ।
अहिले युरोपमा थुप्रै नेपालीहरु बसोबास गर्ने भएकाले उक्त चलचित्र युरोपको कुन कुन देशमा प्रदर्शन हुने भन्ने कुरा आयोजकले सार्वजनिक गरेको छैन। आयोजकले बताए अनुसार,युरोपको थुप्रै देशहरूमा प्रदर्शन हुने तयारी भइरहेको छ।
विपिन कार्की र मिरुना मगर मुख्य भूमिकामा रहेको चलचित्र ‘उनको स्वीटरमा नविन चौहानको निर्देशन रहेको छ।
चलचित्रमा निर्देशक चौहानको लेखन, सुरज कटुवालको सह-लेखन, मुख्य सहायक निर्देशक फिरोज खड्का, गायक सुजन चापागाईं र कोविद बज्रको संगीत, हर्क साउदको शब्द रचना रहनेछ।
चलचित्रमा विपीन र मिरुनासँगै माओत्से गुरुङ, सुरज तमू, एलेक्स पारस, परीक्षा लिम्बू, मिलन खत्री, अरुण पुन मगर, भावना खपाङ्गी मगर, कवि राई, रुपेश लामा, प्रकाश बस्नेत, लक्ष्मी योङहाङ, प्रेम सुब्बा, इन्द्रनारायण आङदेम्बे र नरेश लावती लगायतका कलाकारको अभिनय रहनेछ।
उता चलचित्र युरोप लगायत क्यानाडा,अमेरिका र जापानमा पनि बिक्री भएको निर्माण पक्षले जनाएको छ।
0
20
