सुबास चाम्लिंग ।
पोर्चुगल — किरात राई सोसाइटी अफ पोर्चुगलले उभौली साकेला चाड विशेष सांस्कृतिक कार्यक्रम गर्ने भएको छ ।
मे १९ तारिख सोमबार सस्थाले सो कार्यक्रम गर्न लागेको हो । पहिचान ,कला परम्परा ,संस्कृतिलाई प्रवासमा चिनाउने र नेपालीत्व झल्काउने उद्देश्यले कार्यक्रम गर्न लागिएको सस्थाका अध्यक्ष दिपेश राईले जानकारी दिए ।
सोसाईटीका कोषाध्यक्ष अरून राईका अनुसार कार्यक्रम पोर्चुगल चर्चित पार्क बेलाबिस्ता पार्कमा दिउसो ३ बजेदिखि सुरु हुने छ भने किरात राई कलात्मक नाच, किराती पोशाकमा सुसज्जित किरात समुदायको विशेष सस्कृतिको दिनभर देखाइने छ ।
दिपेश राई र अरून राईका अनुसार “प्रकृतिपूजक किरातीहरूले, पिता- पूर्खाको आशिर्बाद लिन, पूर्खालाई सम्मान गर्न, प्रकृतिलाई पुजा गर्न र पूर्खाको बिरासत जोगाई राख्न‘ साकेला उभौली मनाऊने प्रचलन रहेको छ ।
हरेक बर्ष २ पटक बालीनाली रोप्ने र भित्राऊने समयमा र हिऊद र बर्खा याममा चरा चुरूंगी हिमाल – तराई गर्ने भएकाले सो समयमा साकेला मनाईन्छ । अहिले यलम्बर किरात सम्बत – येलेदुंग ५०८५ मनाईन्छ ।