फिल्म — दिमाग खराब : नारायण पराजुली लेख्नु हुन्छ ।
दिमाग खराब सामाजिक , अलि बढी राजनितीक बिषय बोकेको फिल्म हो , यति त फिल्म हेर्नु अघि बुझ्नै पर्छ । अब TV खोल्यो राजनिती , फेसबुक खोल्यो राजनितीकै कुरा , चिया पसल गयो त्यता पनि कुरो राजनितीकै छ , फिल्ममा पनि के राजनिती हेर्नू यार ? भन्ने पनि लाग्ला । के राजनीति जस्तै फिल्म पनि बिरक्तलाग्दो , दिमाग खराब गराउने खालको छ त ?
जवाफ – बिल्कुलै छैन । मज्जा आउने वाला छ ।
हरेक फिल्मको बिषय , कथा , अभिनय ,प्रस्तुती, प्राबिधिक कुरो सबै आफ्नो ठाउमा हुन्छन, ती सबैको उदेश्य हो , फिल्म हेरिरहदा दर्शक फिल्ममा केन्द्रित ( Engage ) हौंउन , जस्ले दर्शकलाई आनन्द दिन्छ वा मजा आउछ । दिमाग खराबको बलियो पक्ष यहि नै हो । सामान्य कथा , सामान्य पात्र , कथा भन्ने उहीँ पुरानै तरिकाको शैलीका बाबजुत बलियो संग स्थापित पात्र , ती पात्रका जिबनमा पटक पटक आईरहने उताबचडाबकै कारण फिल्मले पूरा साढे २ घन्टा दर्शकलाई बाधेर राख्ने काम गर्छ । ( मलाई चाहिँ राख्यो ) निश्चल बस्नेतको खुबि सायद यहि नै हो , जस्ले सामान्य कथामा दर्शकलाई अन्तिम सम्म होल्ड गराउछन । त्यस हिसाबले निर्देशक निश्चल बस्नेत सफल छन । र लेखक पनि ।
खगेन्द्र, स्वस्तिमा, दयाहाङ, अर्पण, बिजय बराल जस्ता कलाकार भएपछी अभिनयको त कुरा गर्नै परेन। । स्वस्तिमा झन अब्बल देखिएकि छिन , अन्यको लय उस्तै छ । तर खगेन्द्र लामिछाने उन्को पात्र इन्द्र शर्माका रुपमा अलि अलग देखिन चाहिँ मेहेनत गर्न सकिने ठाउँ थियो । अभिनयमा खोट लगाउने ठाउँ नभए पनि अर्पनको नेता पात्रको चतुर्यतालाई अझै मजाले लेख्न सकिन्थ्यो कि जस्तो महसुस हुन्छ । निर्माताले मजैले गरेको खर्च पर्दामा देखिएको छ । फिल्मलाई प्राबिधिक रुपमा समेत अब्बल बनाउन कुनै ठाउँ बाकी राखिएको छैन । बेलाबेलामा कर्कस ब्याकग्राउन्ड म्युजिक भने अलि कम भए हुन्थ्यो भन्ने चाहिँ लाग्यो ।
कमजोरी नै नभएको त हैन, दशौ कमजोरी छन फिल्ममा, थुपै प्रश्न गर्ने ठाउँ पनि छ तर फिल्मले प्रस्तुत गरेको बिचार संग धेरै मान्छे सहमत हुँदै गरेको अबस्था छदै छ , फिल्मकै जस्तो राजनितीक परिवेशको महसुस गरेको धेरै पनि भएको छैन , ताजा नै छ । फिल्मी शैलीको त्यस्तै परिस्थितिले रोमान्चित गराउने भै गो । पात्र, तिन्को सम्बाद र आउने परिस्थिति ले हसाउछ,भावुक बनाउछ , पटक पटक ताली र सिठी पनि बजाउन मन लाग्छ । घटनाक्रम सङै आउने गितले झन बढी Engage भैन्छ । फिल्मको अन्त्य अझै रोचक रुपमा प्रस्तुत गर्न सकिने ठाउँ भए पनि अन्तिममा दर्शक खुसी हुँदै हलबाट निस्कन्छन । फिल्म हेर्दा यति नै हैन र चाहिने?
त्यसैले फिल्म हेर्नलायक छ । कम्तिमा एकपटक हेर्दा पछुतो चाहिँ हुन्न । तर तपाईको राजनैतिक बिचार चाहिँ हलबाहिर छोड्न पर्ला , अन्यथा भन्न सकिन्न ।
0
20
