पोर्चुगल — पोर्चुगलको लिस्बनस्थित नेपाली राजदूतावासले विद्युतीय राहदानी (ई-पासपोर्ट) का लागि अनलाइन आवेदन खुला गरेको छ ।
राजदूतावासले एक सूचना जारी गर्दै आगामी डिसेम्बर महिनाको पहिलो दुई साताका लागि अपोइन्टमेन्ट बुकिङ खुला गरेको जानकारी दिएको हो ।
राहदानीको म्याद सकिन ६ महिना वा सोभन्दा कम समय बाँकी रहेका आवेदकहरूलाई लक्षित गर्दै यो आवेदन खुला गरिएको हो ।
अनलाइन फारम भरिसकेपछि आवेदकले तोकिएको मिति र समयमा दूतावासमा उपस्थित भई बायोमेट्रिक्स दिनुपर्नेछ । यसका लागि निम्न कागजातहरू अनिवार्य रूपमा साथमा लैजानुपर्नेछ ।
अनलाइन भरेको राहदानी फारमको प्रिन्ट आउट ।
सक्कल राहदानी (पुरानो पासपोर्ट) ।
नेपाली नागरिकताको प्रमाणपत्र (सक्कल र प्रतिलिपि) ।
नाबालकहरूका लागि (१६ वर्ष मुनि)
नाबालक परिचय पत्र ।
जन्मदर्ता प्रमाणपत्र ।
बुबा तथा आमाको नागरिकता प्रमाणपत्र ।
बुबा तथा आमाको राहदानी ।
विवाह दर्ता प्रमाणपत्र ।
दूतावासले सेवाग्राहीहरूको सहजताका लागि सेवा प्रवाहको समयसमेत तोकेको छ । कन्सुलर सेवा : बिहान ९:१५ देखि दिउँसो १:१५ सम्म (कार्यालय खुलेको दिन) । राहदानी वितरण/जानकारी : दिउँसो २:०० बजेपछि ।
