पोर्चुगल। नेपाली खेलकुदलाई अन्तर्राष्ट्रिय स्तरमा चिनाउने उद्देश्यले पोर्चुगलमा दाङका युवाहरू सम्मीलित दाङ स्पोर्ट्स क्लब गठन गरिएको छ।
आज लिस्वनमा भएको एक भेलाले उर्जाशील युवा शिवसागर बुढाथोकीको नेतृत्वमा ९ जनाको कार्यसमिति गठन गरिएको हो। क्लबको सचिवमा केशव केसी चयन भएका छन् भने सह-सचिवमा विवेक ओली,विपना रोका ओली चयन भएका छन्।
त्यस्तै कोषाध्यक्षमा राजन योगी छनोट भएका छन् भने सह-कोषाध्यक्षमा सरद पाण्डे निर्वाचित भएका छन्।क्लबको टिम मेनेजरमा सेवक बि.सी,कप्तानमा केबल डिसी र नदन ओली सर्वसम्मत चयन भएको जानकारी दिइएको छ।
क्लबको सल्लाहकारहरुमा हेमन्त केसी,चन्द्र डागी,चुर्ण ब.खड्का ,रमेश परियार,सन्तोष केसी,सन्जय योगी र सुनील पोख्रेल चयन भएका छन्।प्रेस सल्लाहकारको जिम्मेवारी पुरुषत्तम अधिकारी र प्रदिप खड्कालाई दिइएको क्लबले जनाएको छ।
पोर्चुगलमा भिन्न,पृथक र नमुना कार्य गर्ने उद्देश्यले क्लब गठन गरिएको क्लबका अध्यक्ष शिवसागर बुढाथोकीले युरोपाटीलाई जानकारी दिए। सामाजिक क्षेत्रमा सक्रिय र चलायमान गराउन कुनै कसर बाकी नराख्ने अध्यक्ष बुढाथोकीको प्रतिवद्धता रहेको छ।
0
20
