एटिक इन होटल एण्ड रिसोर्ट ब्रान्ड शुभारम्भ गर्दै

काठमाडौ ।

ट्रावलिटी नेपालले एटिक इन’ होटल्स एण्ड रेसोर्ट्स ब्रान्डको शुभारम्भ गर्ने भएको छ ।भव्य कार्यक्रमका बीच भोलि होटल रायन एन्ड इभेन्ट्समा पर्यटन मन्त्रीको प्रमुख आतिथ्यतामा ब्राण्डको शुभारम्भ हुने भएको हो ।

ट्रावलिटी नेपालमा होटेलको बुकिङ र व्यवस्थापन सम्बन्धी तालिम दिने तथा व्यवस्थित डिजिटल पब्लिसिटीको काम गर्छ । अहिले एटिक इन नामको ब्राण्डलाई नेपालमा स्थापित गरेर यसको माध्यमबाट पर्यटकीय क्षेत्रको विकास गर्ने अभियानमा लागेको छ । तारे स्तरका साथै सबै खाले होटेल लाइ रिजर्भेसन सिस्टम को मध्यम बाट होटेल को अकुपेन्सी लाई बढाउने, मध्यम वर्गका होटलहरुलाई पनि एटिक इन होटल एण्ड रिजोर्डस ब्राण्डमा ल्याउने र होटलहरुलाई व्यवस्थित गर्ने लक्ष्य राखेको ट्रावलिटी नेपालका सिईओ आर्यन बास्तोलाले बताए ।

एटिक इन ब्राण्डअन्तर्गत तीनवटा सेग्मेन्ट छन् । एटिक इन एक्सप्रेस र  एटिक इन प्लस जसले

टुरिष्ट स्टेन्डर साथै सबै खालका होटलहरुको व्यवस्थापन गर्छ । यसले फ्रेन्साइजी मोडलमा नेपालका होटलहरुलाई व्यवस्थापन गर्ने, सफ्टवेर दिने सेन्ट्रल रिजरवेशन सेन्टर (सिआरएस) को माध्यमबाट होटलको बुकिङलाई बढाउने र व्यवस्थापन गर्ने साथै त्यसको मार्केटिङ गर्ने, कष्टमर सर्भिस दिने काम गर्छ ।

‘वर्तमान अवस्थामा ३५ लाख भन्दा बढी पर्यटकहरुलाई व्यवस्थापन गर्ने  सेवा दिन सक्ने मेकानिजम हुदा पनि , अहिले १०,१२ लाख मात्र पर्यटक नेपाल मा आएको अवस्था छ । यस ग्यापलाई डिजिटल माध्यमबाट व्यवस्थित गर्दै प्रविधिको प्रयोग गरि पर्यटन क्षेत्रलाई माथि उठाउन यो कम्पनीलाई हामीले लिएर आएका हौँ,’ ट्रावलिटी नेपालका स्ट्राटेजिक अफिसर सोम सापकोटाले भने ।

सँगसँगै अबको केही महिनामा बेस्टवेस्टन ब्राण्ड नेपालमा पहिलोपटक आउँदैछ । जसलाई तिलगङ्गामा रहेको  होटल राइन एण्ड इबर्डस्लाई कन्भर्ट गरेर अक्टोवरको पहिलो हप्तामा लञ्च गर्ने तयारी छ । ट्रावलिटी नेपालकै प्रयासबाट यो ब्रान  नेपाल मा आएको  हो ।फोर   स्टार प्लस लेवलका कष्टमरहरुलाई सेवा दिने हिसाबले यो नेपालमा लन्च हुन लागेको हो । यसको व्यवस्थापन पनि ट्रावलिटी नेपालले गर्ने छ।

यसरी एकपछि अर्को विश्वस्तरीय हस्पिटालिटी ब्रान्ड नेपाली बजारमा आकर्षित हुनु पर्यटकीय दृष्टिले एकदमै राम्रो कुरा हो । यसरी आएका अन्तर्राष्ट्रिय ब्राण्डहरूले संसारभर नेपाललाइ डेस्टिनेसन को रुपमा प्रमोसन गर्छन् र नेपालको पर्यटन प्रवद्र्धनको लागि महत्वपूर्ण भूमिका खेल्छन् ।

स्ट्राटेजिक अफिसर सोम सापकोटाका अनुसार एटिक इनमा जोडिने होटलहरुलाई प्रोपर्टी म्यानेजमेन्ट सिस्टम र च्यानल म्यानेजरसहितको प्रविधिद्वारा सहयोग गर्न सकिन्छ र होटेलहरुको जुन बुकिङ रेन्ज छ त्यसलाई माथि लैजान सकिन्छ । उनले भने, ‘होटेलहरुको जुन बुकिङ रेन्ज छ त्यसलाई माथि लैजान मार्केटिङ गर्छौ र नेपालका सबैखाले होटलहरुलाई प्रविधिको माध्यमबाट संसारभर पुर्याउने काम गर्छौं ।

त्यसपछि यो ब्राण्ड आएको दुई वर्षभित्र देशका पाँच ठूला शहरहरुमा यसलाई लाने विदेशमा रहेका नेपालीहरुलाई नेपालमा लगानी गर्न प्रेरित गरिने सापकोटाले बताए । नेपालले अपेक्षा गरेभन्दा धेरै पर्यटक ल्याउन सक्ने क्षमता छ त्यसैले प्रविधिको माध्यमबाट नेपालको पर्यटनलाई प्रवद्र्धन गर्ने यसको उद्देश्य रहेको छ ।

पर्यटनको माध्यमबाट देशको विकासका लागि चाहिने पर्याप्त स्रोत जुटाउन सकिन्छ भनेर सरकारी र निजी क्षेत्रले भन्दै आएको वर्षौं भयो । हुन पनि विश्वका अन्य विकासोन्मुख मुलुकको तुलनामा नेपाल पर्यटकीय सम्भावनाका दृष्टिले अब्बल देश हो ।

नेपाली पर्यटनको वर्तमान अवस्था सुधारोन्मुख छ, र केही वर्षदेखि अन्तर्राष्ट्रिय स्तरका विभिन्न चेन ब्राण्डहरु नेपाल भित्रिने क्रम जारी छ । यसबाट नेपालमा पर्यटनको दिगो सम्भावना छ भन्ने देखिन्छ । यिनै पर्यटकीय सम्भावनालाई विश्वसामू चिनाउने क्रममा गैरआवासीय नेपालीहरुद्वारा सञ्चालनमा आएको ट्रावलिटी नेपाल फरक ढङ्गले काम गर्ने तयारीमा छ ।

एटिक इन र बेस्ट वेस्र्टन जस्ता अन्तर्राष्ट्रिय ब्रान्डहरूको प्रवेशले नेपालको पर्यटन क्षेत्रमा महत्वपूर्ण प्रभाव पार्ने अपेक्षा गरिएको छ। पर्यटन नेपालको अर्थतन्त्रको प्रमुख आधार हो, र प्रविधि तथा विश्वस्तरीय सेवाहरूको माध्यमबाट देशले अझ बढी अन्तर्राष्ट्रिय पर्यटकहरूलाई आकर्षित गर्न सक्छ।

आधुनिक प्रविधिको प्रयोग, डिजिटल मार्केटिङ, र सामाजिक सञ्जालको प्रभावकारी प्रयोगले विश्वभरका पर्यटकहरूलाई आकर्षित गर्न मद्दत गर्नेछ । जसले नेपालको पर्यटन उद्योगको समग्र वृद्धिमा योगदान पुर्‍याउनेछ।

एटिक इनले विभिन्न प्रकारका पर्यटकहरूको आवश्यकता पूरा गर्न लचिलो दरहरू र सहज भुक्तानी विकल्पहरू प्रदान गर्नेछ। यसले जेष्ठ नागरिक छुट, कर्पोरेट दर र समूह बुकिङ जस्ता दर संरचनाहरू प्रस्ताव गर्नेछ । जसले होटलहरूलाई विभिन्न ग्राहक वर्गहरूलाई आकर्षित गर्न सक्षम बनाउनेछ।

ट्राभलिटी नेपालले मंगलबार आयोजना गरेको कार्यक्रममामा पर्यटन मन्त्री, नेपाल पर्यटन बोर्ड, पर्यटन विभागका साथै विभिन्न पर्यटन एजेन्सीहरू, होटल सञ्चालक र सञ्चारकर्मीहरू उपस्थित हुनेछन्।