काठमाडौं । गैरआवासीय नेपाली संघ एनआरएनएको निर्वाचन मत परिणामलाई लिएर विवाद उत्पन्न भएको छ ।
विवादपछि निर्वाचन समितिले विज्ञप्ती जारी गर्दै परिणाम नै रद्द गरिएको जनाएको छ । निर्वाचनको प्राबिधिक पक्ष समालेको संस्थाभेरो संग छलफल गरि निर्वाचन समितिले छानविन र अनुसन्धान गरेर मात्रै नतिजा सार्वजनिक गर्ने विज्ञप्तीमा उल्लेख छ ।
यता अध्यक्षमा उम्मेदवारहरु आर के शर्मा र महेश कुमार श्रेष्ठले पनि सिस्टम ह्याकको आरोप लगाउँदै नतिजा अस्वीकार गर्ने घोषणा गरेका छन् ।
गैरआवासीय नेपाली संघको अन्तर्राष्ट्रिय समन्वय परिषदले अनलाइन भोटिङका लागि अष्ट्रेलियाको भेरो भोटिङ कम्पनीलाई जिम्मा दिएको थियो । कम्पनीले इमेलबाट पठाएको विवरण प्राप्त हुनासाथ पाँच सदस्यीय निर्वाचन कमिटीले नतिजा सार्वजनिक गरेको थियो।
निर्वाचन कमिटीले सार्वजनिक गरेको मत परिणाममा बद्री केसी विजयी भएको घोषणा गरिएको थियो ।
उपाध्यक्षका एक उम्मेदवार डा.केशव पौडेलको काठमाडौंबाट प्राप्त मत भने शून्य देखिएपछि निर्वाचनको विश्वसनीयतामा प्रश्न उठेको थियो ।
उनीहरुले आज प्रधानमन्त्री पुष्पकमल दाहाल प्रचण्ड र परराष्ट्रमन्त्री एनपी साउदलाई भेटेर नतिजा अस्विकार गर्न ज्ञापनपत्र बुझाउने तयारी गरिरहेका छन् ।
0
20
