पोर्चुगल। पोर्चुगलको राजधानी लिस्वनस्थित अवैतनिक नेपाली महाबाणिज्य दूतावासको समन्वय, सहयोग अनि सहजीकरणमा फ्रान्सस्थित नेपाली राजदूतावासबाट आएका टोलीले मार्च २४ आइतबारबाट काम सुरु भइरहेको छ ।
मार्च २४ आइतबारबाट सुरु भएको बायोम्याट्रिक काम ३१ मार्च २०२४ सम्म जैविक तथ्यांक संकलन गर्ने भएको हो ।
२९ तारिख भोलि अर्थात शुक्रबार ‘बायोम्याट्रिक’ का लागि मार्टिम मुनिजस्थित R.Jose Antonio Serrano, 1100-443, Lisboa मा उपस्थित हुनका लागि निम्न आवेदकहरुलाई हार्दिक अनुरोध गरिएको छ ।बायोम्याट्रिक विहान ८ देखि साँझ ६ बजेसम्म चल्नेछ ।
भोलिको लागि नामावली सार्वजनिक भएका आवेदकबाहेक अन्य महानुभावहरुलाई उपस्थित नहुन समेत अवैतनिक नेपाली महाबाणिज्यदुतले अनुरोध समेत गरेको छ । Rua Jose Estevao, N. 44A, 1150-203, Lisboa मा मार्च २४ देखि संचालित राहदानीको जैविक तथ्यांक संकलन भोली देखि मार्टिम मुनिजस्थित R. Jose Antonio Serrano,1100-443, Lisboa मा संचालन हुने भएको हो ।
राहदानी नविकरणका लागि सक्कल राहदानी र नागरिकता आवश्यक पर्नेछ भने हराएको हकमा सक्कल नागरिकता, हराएको राहदानीको प्रतिलिपी तथा प्रहरी ‘रिपोर्ट’ अनिवार्य रुपमा साथमा ल्याउनुपर्नेछ ।
यस्तै नागरिकता हराएको खण्डमा जिल्ला प्रशासन कार्यालयबाट प्रमाणित अभिलेख साथमा ल्याउनुपर्नेछ ।
बालबालिकाको नयाँ राहदानी बनाउनुपरेमा जन्मदर्ता, बाबुआमाको विवाह दर्तासँगै उनिहरुको नागरिकता र राहदानीको प्रतिलिपीको साथमा ‘कन्सुलेट कार्ड’ अनिवार्य ल्याउनुपर्नेछ भने नविकरणको हकमा नाबालक परिचयपत्रसँगै बच्चाको राहदानी, जन्मदर्ता, बाबुआमाको विवाह दर्ता र नागरिकताका कागजातहरु आवश्यक पर्ने छ ।
0
20
