आज अक्टोबर २६ तारिख शनिबार । आज दिनभर भएका मुख्यमुख्य घटनाक्रम सहित युरोपाटीको रात्रिकालीन प्रस्तुती ‘युरोपाटीको युरोप ब्रिफिङ’ लिएर उपस्थित भएका छौँ —
१) नेप्लिज वोमन एशोसिएसन पोर्चुगलद्वारा शुभकामना आदानप्रदान कार्यक्रम हुँदै :
— पोर्चुगलमा महिलाहरूको एक सक्रिय संस्था नेप्लिज वोमन एशोसिएसन पोर्चुगलद्वारा नेपालीहरुको महान चाड शुभदिपावली तथा छठ पर्वलाई मध्ये नजर गर्दै शुभकामना आदानप्रदान कार्यक्रम तथा संस्थाको १० औ साधारण सभा हुने भएको छ।
उक्त कार्यक्रम यहीँ अक्टोबर २७ तारिख आइतबार हुने भएको हो । कार्यक्रम पोर्चुगलको राजधानी लिस्बनको हाम्रो चौतारी रेस्टुरेन्टमा हुने नेप्लिज वोमन एशोसिएसन पोर्चुगलकी अध्यक्ष शान्ति अर्याल अधिकारीले बताइन्।
२) चर्चित गायिका एलिना चौहान साङ्गीतिक प्रस्तुतिका लागि आयरल्यान्ड आउँदै :
— चितवन समाज आयरल्यान्डको आयोजनामा चर्चित गायिका एलिना चौहान साङ्गीतिक प्रस्तुतिका लागि आयरल्यान्ड आउने भएकी छिन्। उक्त कार्यक्रम अक्टोबर २९ डब्लिन ८ स्थित रेडिसन रोयल ब्लु होटलमा मंगलबार हुने भएको हो। कार्यक्रम साझँ ५ बजेबाट सुरु हुनेछ।
३) चलचित्र १२ गाउँ आजबाट पोर्चुगलमा प्रदर्शन ।
— नेपालमा असोज २४ अर्थात् फुलपातीबाट प्रदर्शनमा आएको चलचित्र १२ गाउँ पोर्चुगलको राजधानी लिस्बनमा आजबाट प्रदर्शन भएको छ। यस चलचित्र पोर्चुगल लगायत अरु थुप्रै देशहरुमा पनि प्रदर्शन भईरहेको छ। यस चलचित्र पोर्चुगलको राजधानी लिस्बनमा र अरु जिल्लाहरुमा पनि प्रदर्शन हुने भएको हो ।
चलचित्र १२ गाउँ पोर्चुगलको राजधानी लिस्बनमा आज बाट प्रदर्शन सुरु भई अक्टोबर २७,२८,२९ र ३० तारिख सम्म प्रदर्शन हुने भएको छ। चलचित्र बिहानको शो-मा प्रदर्शन भएको छ भने उक्त चलचित्रको टिकेट १२.५० युरो रहेको छ।
४) साइप्रसमा तिहार तथा छठपर्व विशेष साँस्कृतिक कार्यक्रम हुँदै :
— नेपालीहरूको चाड तिहार तथा छठपर्वको शुभ अवसरलाई मध्यनजर गर्दै अन्तर्राष्ट्रिय नेपाली सेफ सोसाइटि साइप्रसद्वारा यही आउँदो नोभेम्बर १० तारिख आइतबार तिहार तथा छठपर्व विशेष साँस्कृतिक कार्यक्रम हुने भएको छ।
उक्त कार्यक्रमको लागि नेपालबाट चर्चित कलाकारहरू नेपाली तारा सिजन १ का विजेता गायक दिपक लिम्बु र रामजी खाँडले साइप्रसमा रहेका नेपाली समुदायलाई नचाउने भएका छन्।
५) पोर्चुगलमा नेवारहरु द्वारा म्ह पुजा हुँदै :
— पोर्चुगल नेवा: ख:लले नेपालीहरुको चाडपर्वलाई मध्ये नजर गर्दै शुभकामना आदानप्रदान तथा म्ह पुजा गर्ने भएको छ ।कार्यक्रम यहीँ दुई तारिख नोभेम्बर,शनिबारको दिन ग्रिल एण्ड चील रेष्टुरेन्ट,अरोइस, लिस्बनमा हुने भएको हो।
0
20
