अयरल्यण्ड — युरोपको अयरल्यण्डमा तामाङ परिवार अयरल्यण्डद्वारा सोनम ल्होछारलाई मध्यनजर गर्दै ल्होछार साँझ २०२५ को आयोजना हुने भएको छ।
तमाङ परिवार अयरल्यण्डको पहिलो प्रस्तुती तथा गैरआवासीय संघ आयरल्यण्डको सहकार्यमा अयोजना हुन गईरहेको ल्होछार साँझ २०२५ को लागि लोकप्रिय गायक इन्डियन आइडल सिजन ३ का बिजेता तथा नेपाली चलचित्र क्षेत्रका नायक प्रसन्त तमाङको साथमा पहिलो पटक आयरल्यण्डमा बेजोड संगितिक प्रस्तुती हुने भएको हो।
उक्त कार्यक्रम यही आउँदो जनवरी २८ तारिख मङ्गलबारको दिन हुने भएको हो। कार्यक्रममा विविध सांस्कृतिक कार्यक्रम सहित स्थानीय कलाकारहरूको पनि बेजोड प्रस्तुति रहने भएको छ। इन्डियन आइडल सिजन ३ का विजेता तथा नायक प्रसन्त तमाङ पहिलोपटक युरोपको आयरल्यण्डमा आफ्नो सांगीतिक प्रस्तुतिका लागि आउने भएका हुन्।
रोजगार तथा अध्ययनको सिलसिलामा आयरल्यण्ड आइपुगेका तामाङ तथा गैर तामाङहरुलाई मनोरञ्जन तथा नेपालीपन झल्काउनको लागि उक्त कार्यक्रमको आयोजना गरेको आयोजक तामाङ परिवार आयरल्यण्डले बताए ।
आयरल्यण्डमा रहेका विभिन्न संघसंस्था तथा नेपालीहरू लाई उक्त कार्यक्रममा उपस्थित हुनको लागि आयोजकले आग्रह गरेको छ।
आयोजकले उक्त कार्यक्रमको लागि टिकेटको समेत व्यवस्था गरेको छ। टिकेटको लागि आयोजकले सात वर्षभन्दा मुनिका बालबालिकालाई फ्री गरेको छ भने ८ वर्षदेखि १४ वर्षसम्मका लाई २५ युरो टिकेट रहेको छ भने १५ वर्षदेखि माथिको लागि ५० युरो टिकेट रहेको आयोजकले बताएको छ।
ल्होछार साँझ २०२५ नाम दिएको उक्त कार्यक्रम २८ तारिक बेलुकी ६ बजेदेखि उक्त कार्यक्रम सुरु हुने भएको छ। उक्त कार्यक्रममा अनिश भण्डारी र डीजे उज्वलले दर्शकहरूको लागि डिजेमा साथ दिएर रमाइलो गराउने भएका छन्।
बाँकी तस्बिरबाट —
0
20
